Apr. 12th, 2012

stas_senkin: (Default)



«Дыша же благодать Твою ученикъ неблагодарный, сію отлагаетъ, и смрадомъ одѣвается, сребролюбіемъ продая Тебе»

 «Іуда льстецъ, сребролюбія рачительствуяй, предати Тя, Господи, Сокровище живота, лестно поучашеся»...

«О, слѣпотнаго сребролюбія, нечестиве... отчаяніемъ бо самъ себе удавилъ еси, вжегся, предателю!...»

«Іуда рабъ бываше врагу...»

«О, Іудина окаянства! зряше блудницу, цѣлующую стопы, и умышляше лестію преданія цѣлованіе. Оная власы разрѣши, а сей яростію вязашеся, нося вмѣсто мѵра злосмрадную злобу...»

«Простре блудница власы Тебѣ, Владыце, простре Іуда руцѣ беззаконнымъ: ова убо пріяти оставленіе, овъ же взяти сребренники».

«Нравъ сребролюбія, и образъ твой безумія исполненъ, несмысленный Іудо... заключилъ еси жестокаго твоего сердца утробу», такъ восклицаетъ Церковь въ Великую Среду на повечеріи:

«Лобызаеши и продаеши, Іудо, цѣлуеши и не стыдишися, лестію притекій. Кто ненавидя лобызаетъ, преокаянне, кто любя продаетъ на цѣнѣ? Лобызаніе твоего безстуднаго злосовѣтія обличаеть произволеніе».

«Іуда злочестивый сребролюбіемъ недуговавъ омрачашеся, и беззаконнымъ судіямъ Тебе Праведнаго Судію предаетъ. Виждь, имѣній рачителю, сихъ ради удавленіе употребивша! Бѣжи несытыя души, Учителю таковая дерзнувшія!...», такъ поетъ Церковь въ день Великаго Четвертка и дальше:

«Хлѣбъ пріемъ въ руцѣ предатель, сокровенно тыя простираетъ, и пріемлетъ цѣну создавшаго Своима рукама человѣка, и неисправленъ пребысть Іуда рабъ и льстецъ».

«...тому обаче добро бы врата житія пройти никогдаже: сего, иже бѣ предатель, являше Богъ отецъ нашихъ».

«Законныя дружбы злоименитый Искаріотъ волею забывъ, яже нозѣ умы, уготови на преданіе: и Твой ядый хлѣбъ, Тѣло Божественное, воздвиже ковъ на Тя, Христе...»

«Пріимаше рѣшительное грѣха Тѣло безсовѣстный, и Кровь изливаемую за міръ Божественную, но не стыдяшеся пія, юже продаяше на цѣнѣ, о злобѣ же не негодова...»

«Іуда беззаконный, Господи, омочивый на вечери руку въ солилѣ съ Тобою, простре къ беззаконнымъ руцѣ пріяти сребренники».

«Іуда предатель льстивъ сый, льстивнымъ лобзаніемъ предаде Спаса Господа и Владыку всѣхъ, яко раба продаде іудеемъ...»

«Іуда рабъ и льстецъ, ученикъ и навѣтникъ, другъ и діаволъ отъ дѣлъ явися...»

«Днесь Іуда нишелюбія сокрываетъ лице, и лихоимства открываетъ зракъ... течетъ ко іудеомъ, глаголетъ беззаконнымъ, что ми хощете дати, и азъ вамъ предамъ Его? О, сребролюбія предателя!»

Profile

stas_senkin: (Default)
stas_senkin

January 2013

S M T W T F S
   1 2 345
6789101112
13141516171819
20212223242526
2728293031  

Style Credit

Expand Cut Tags

No cut tags
Page generated Sep. 26th, 2017 07:59 pm
Powered by Dreamwidth Studios